Кошарка: Вардар М14 ја продолжи есенската доминација без пораз, висока победа и над В.Лисици

Кошаркарскиот клуб Вардар во лигата М14 има доминација. Нашата не поразена екипа родена 2005 година и помали забележи уште една убедлива победа и го потврди првото место во својата група каде цела есен доминира со игрите во дуелите против ривалите.

На натпревар одигран во малата сала при Спортско рекеативниот центар “Кале“ ја пречекавме екипата на Кошаркарскиот клуб Водњански Лисици. Во оваа средба доминиравме во сите аспекти на кошаркарската игра и во текот на цел натпревар водевме со постепено зголемување на предноста. Момците на Златко Лазаревски остварија висока победа со 49 поени позитива. Ние триумфравме со резултат  101 : 62  на оваа средба.