ЖКК Вардар лидер на табелата, досега постигнуваме неверојатни 100.поени во просек

ЖКК Вардар започна со есенскиот дел во Првата кошаркарска лига на најдобар начин. Досега одигравме три кола и дојдовме до три победи. Со овие 6.бода сме лидер на табелата во групата „Исток“. Женската лига е поделена во оваа сезона на две групи Запад и Исток, а веќе од година ќе има две конкуренции во земјава кај дамите, прва и втора лига.

На табелата сме пред екипите на Баскет Кам 2011 и ЖКК МЗТ Скопје кои се на позициите зад нас. Интересно е што на тритете меча успеавме да постигнеме точно 300.поена, односно во просек досега погодуваме 100.поена по одигран дуел што за секоја пофалба. Во дефанзива сме речиси двојно подобри, примаме во просек 52.поена по одигра напревар.