Викендов на програмата е новото коло во кошаркарската прва женска лига, во истото девојките на Вардар се домаќини. На нас ни гостува екипата која е “фенерџијата“ во женската лига ЖКК Клубски Патриот.
Мечот ќе се игра утре, сабота на 17.12.2016 во малата сала при спортско рекреативниот центар “Кале“. Мечот е закажан со почеток во 15-00 часот. Кошаркарската федерација ги одреди службените лица за мечот: делегат ќе биде Дојчиновски Д. , а судиската двојка ќе ја сочинуваат Петровиќ Мери и Јакова Б. Во овој меч нашите црвено-црни девојки се фаворити за нова победа, петта по ред. По првиот пораз девојките наредија четири победи по ред и сега “јуришаат“ кон нов триумф против “фенерџијата“ кој забележа четери порази од исто толку меча одиграни досега. Тоа е тим кој игра слаба одбрана и прима во просек 85 коша по натпревар на воведните кола. Во нападот се речиси “безопасни“ бидејќи имаат просек на постигнати поени од 31,50 реализирани поени по меч, што е најслаб просек во цела лига. Ова е прилика за убедлива победа на црвено-црните девојки.