Вардар в сабота го пречекува “фенерџијата“ КК Шкупи

КК Вардар оваа пролет нема победа во Првата кошаркарска лига, сепак ова коло ни се пружа прилика за прв успех. На нас ни гостува “фенерџијата“ во најквалитетната кошаркарска лига тимот на КК Шкупи од Скопје.

Дуелот се игра во сабота, 9.март со почеток во 16-00 часот. Ние сме стандардно домаќини во нашиот дом, малата сала при СЦ “Кале“. Очекуваме победа на црвено-црните, третта оваа сезона. Може да кажеме дека сме благ фаворит на средбата со тимот кој нема ниту една победа оваа сезона. На прввиот дуел во гости ние дојдовме до победа со резултат 67 – 77.