Vardar Fans
Вчера, кошаркарската репрезентација на Македонија М18 години перфектно ја заврши групната фаза, со пет победи од исто толку дуели. На последната средба од групната фаза црвено-жолтата селекција славеше над Данска со 80-73.
Момците на избраниците на Тони Симиќ по крајот на првите 20.минути имаа предност од 41-35. Следеше перфектен трет период, за во последните десет минути да се влезе со 62-48, по што се беше решено на оваа средба. Најистакнат кај нашиот тим кој одигра во комбиниран состав беше Марко Миловановиќ со 27 поени и 8 скока, вардарцот Виктор Ташковски постигна 7.поена. Тој одигра над 18.минути покрај поените придодаде и две асистенции и еден скок.
