Vardar Fans
ЖОК Вардар продолжува со беспрекорни изданија во новата сезона од женскиот одбојкарски шампионат, откако нашиот тим славеше со максимални 3-0 на денешната пресметка со Тетовски универзитет. „Црвено-црните“ настапија значително ослабени, денешниот дуел го пропуштија Ана Павловска и Ковачевиќ, како и странските засилувања на тимот, но оние кои добија шанса максимално ја оправдаа довербата на стручниот штаб, стигнувајќи до убедлив триумф.
„Вардарки“ одиграа перфектно во првиот сет, што без никакви проблеми го добија со преубедливи 25-8. Гостинките од Тетово најсериозно се заканија во вториот сет во кој стигнаа до 22 поени, додека во третиот Вардар рутински триумфираше со 25-18.
Најзаслужни за денешниот беспрекорен настап и рутинска победа беа Сара Делчева и секогаш стандардната Емилија Попјордановска.
