Vardar Fans
На 6.jуни во Охрид ќе се оддржи полумаратонот “Охрид трчаT”. Единствен вардарец на оваа манифестација ќе биде Петре Завировски. Воедно тој по 23-пат во кариерата е се обиде да ја собори дистанцата долга 21км.
Прв пат тоа го направи пред една деценија на Скопскиот маратон како 17 годишно момче, 10 години подоцна негов најдобар резултат и 1-17-10 остварен во Подгорица во 2016 година. Оваа сезона е одлична за нашиот атлетичар. Врза пет одлични трки на тартанот на арената во Скопје. Два пати беше одличен на најдолгата стадионска трка 10.000м со резултати 37-00 и 37-25 минути. Двапати ја трчаше трката на 5.000м со резултати 18-13 и 17-22 минути. Еднаш на 3.000м со одлично време 9-47 минути.
Претходно имаше добар настап на Мето кросот 4км 14-15 минути и на АРМ 5км 17-53 минути. Ова е одлична подлога за 21 километарската делница во Охрид. Патеката „не е брза“- кажано во атлетски жаргон бидејки два пати се искачува до горна порта. Но на стартот ќе се појават веќе докажани атлетски имиња со одлични кариери и силни резултати. Така на 6.јуни во „балканскиот Ерусалим“ можеме да очекуваме вистински празник на маратонското трчање
