Vardar Fans
На 29-ти декември, заврши Државното поединечно првенство во куглање во кое финалистите беа членови на КК Вардар. Во финалето Влаќевски беше подобар од колегата Димитровски и обезбеди “злато“. Кратко ќе трае паузата во кугларскиот свет во земјава, веќе на 21-ви месецов почнува пролетниот дел во Македонската Кугларска лига-МКЛ.
Во сабота на 21-ви јануари, на програмата е првото пролетно коло односно 6.коло во МКЛ. Оваа сезона таа има шест учесници и според пропозициите ќе се игра трикружно, односно ќе има 15 кола. Напролет ќе има доста мечеви, девет во лигата, и целиот дел во Купот на Македонија. Вардар во 6.коло е гостин во дербито со КК Макпетрол. Истото ќе се игра во кугларницата при Спорскиот центар “Борис Трајковски“ на 21/01/2017 со почеток во 12-00 часот. Првпат во историјата на МКЛ ќе може да се следи меч, дерито на Македонија во куглање преку видео стрим. Истото ќе се пренесува на каналот на МОК-Македонскиот олимписки комитет. Ова ќе биде голема прилика за пошироката публика да ужива во овоа дерби. Вардар е значајно ослабнат со заминувањето на Бојан Влаќевски еден од ударното дуо на вардаци кој заедно со Димитар Димитровски беше мотор на црвено-црниот тим досега. Сепак имаме верба во останатите момци, а можно е во зимскиот преоден рок тимот предводен од Драги Димитровски од клупата да се засили со некое ново име. По првите пет кола прв е Макпетрол со 10 бода од 5 меча, втор е Вардар со 8 бода од исто толку мечеви со еден пораз само од “пумпашите“ во првото коло.
