КК Вардар доби две нови засилувања, и двајцата македонски играчи

Тренерот на КК Вардар Кочов, доби две нови засилувања во ростерот на екипата. Од таборот на Работнички пристигнаа Јован Марковски и Ненад Станков. Се работи за млади играчи. Марковски во минатото настапуваше за екипите на Работнички и Фени Индустри, а исто така имаше и кратка интернационална кариера. Станков пред да дојде во Работнички го носеше токму “црвено – црниот” дрес.

И двајцата играчи треба да бидат од големо значење во ростерот оваа сезона. Станков и Марковски уште денеска ќе им помогнат на своите нови соиграчи против Пелистер. Овој натпревар започнува во 14 часот со директен пренос на МТВ.