Vardar Fans
Кошаркарскиот клуб на Вардар викендов за прв пат оваа сезона ќе одигра натпревар пред своите навивачи. Вардарци овој викенд, поточно в недела, го пречекуваат битолски Пелистер. Овој натпревар ќе биде втор за двата тима во новата сезона. На првите натпревари и двете екипи забележаа порази.
Во овој тим на Пелистер најдобар играч оваа сезона треба да биде американецот Ховкенс. Овој играч уште на првиот меч во “зелениот” дрес покажа дека оваа сезона ќе биде лидер на тимот. Во поразот од Охрид успеа да запише 21 поен, а ги одигра и сите 40 минути. Овој натпревар ќе оди низ директен пренос на МТВ в недела со почеток во 14 часот. Очекуваме интересен и неизвесен натпревар.
