Марко Стојилевски и Симеон Здравковски дел од Македонија У17 во квалификациите за пласман во Елитната рунда

Македонската фудбалска репрезентација до 17 години ја очекуваат квалификации за пласман во Елитната рунда. Нашите млади надежи ќе одиграат три натпревари со репрезентациите на Полска, Ирска и Андора, домаќин ќе биде репрезентацијата на Ирска.

За овој квалификациски турнир, селекторот Тони Јакимовски повика двајца играчи од редовите на Вардар. Се работи за Марко Стојилевски и Симеон Здравковски.

Квалификациите ќе ги отвориме на 7.октомври со натпревар против репрезентацијата на Полска. На 10.октомври играме против домаќинот Ирска, додека на 13.октомври е закажан дуел со репрезентацијата на Андора.

Пласман во елитната рунда ќе обезбедат репрезентациите кои ќе се пласираат на првите две места.