Дејвис ќе прозива на 10.јануари, вардарци ќе се подготвуваат за пролетниот дел

Ракометниот клуб Вардар подготовките за пролетниот дел од сезоната ќе ги стартува на 10.јануари. Новиот тренер, Давид Дејвис, ќе прозива на овој датум и ќе има можност да се запознае со играчите.

Во вториот дел од сезоната, Вардар го очекува напорна работа на неколку фронта. Во лигата на Шампионите, целта е да се стигне до осминафиналето, а за тоа да се случи ќе треба да се пласираме најмалку на шесттото место во групата. Моментално на таа позиција е ППД Загреб која има еден бод повеќе од Вардар.

Во домашното првенство не очекува борба со екипата на Еурофарм Пелистер за освојување на шампионската титула, а тука се и домашниот куп како и СЕХА-лигата. Дали ќе има и некое ново засиливање останува да видиме, иако сме дефицитарни на средната бековска позиција, додека помошник на Дејвис треба да биде Недановски, кој и претходно ја извршуваше оваа функција.

Ќе се тренира во Скопје, а можно е да се одигра и некој контролен натпревар пред стартот на главните предизвици на пролет.