Победи за генерациите 2007 и 2010 на пријателски натпревари

Две младински екипи на ФК Вардар денес одиграа пријателски натпревари, како подготовка за новата сезона.

Пионерите успеаа да слават и на вториот пријателски натпревар во подготвителниот период. Екипата која е предводена од Марко Ѓорѓевиќ и Димо Мушу денес беа подобри од градскиот ривал, тимот на Работнички. Конечниот резултат гласеше 2:1 (1:1).

Вардар прв успе да го отвори резултатот со голот на капитенот, Михаил Јорданоски, кој се најде на вистинското место после центар шут од десната страна на Гаврил Петаноски. Пред да го отвориме резултатот, обид исто така имаше Јорданоски. Во прилика се најде и Фуад Керими, кој не успеа да погоди, додека Работнички успеа да постигне гол и на полувреме да се замине со нерешени 1:1.

Во вториот дел после неколку удари кон противничкиот гол, успеавме да го вратиме минималното водство, преку Стефан Атанасовски кој погоди на асистенција од Бобан Бакрачески, за резултат 2:1, кој на крајот се покажа како конечен на овој контролен натпревар. Нашиот голман, Леонид Стојкоски имаше две интервенции, а Јорданоски пропушти добра шанса по втор пат да ја затресе противничката мрежа.

Вардар: Леонид Стојкоски, Ненад Стојанчевски, Гаврил Петаноски, Филип Дамевски, Гоце Трајчевски, Алексеј Ивановски, Кристијан Каруловски, Иван Блажевски, Михаил Јорданоски (К), Фуад Керими и Стефан Атанасовски.

Втора висока победа за генерацијата 2010 на Зоки Тасески во подготвителниот период. Оваа генерација која се подготвува за својата дебитантска сезона во Детската Лига на ФФМ, денес стигна до вториот последователен триумф.

На стадионот во Автокоманда, нашите млади надежи тестираа со екипата на ФК Скопје, од која беа подобри со резултат 1:6. Одличен натпревар на младите вардарци, натпревар кој целосна припадна во наша доминација и контрола на играта.

Во листата на стрелци се запишаа, Џихан Ибраим (2), Калин Аврамовски, Коки Атанасовски, Михаил Атанасовски и Мартин Краљевски.

Вардар: Марио Ангеловски, Лука Јоакимовски, Матеј Трпевски, Калин Аврамовски, Ведран Јовановски, Мартин Краљевски, Павел Антевски, Стефан Донев, Џихан Ибраим, Михаил Атанасовски и Лука Митевски.

Играа уште и Мирослав Нишевски, Тео Спирковски, Амза Ибраим, Теодор Гиевски, Павел Божиновски, Горазд Апостоловски, Коки Атанасовски и Дамјан Кицевски.