Петта победа во серија за ЖФК Вардар, три бода на гостувањето во Кочани

Продолжи победничката серија на вардарки и на гостувањето кај екипата на Кочани, на натпревар од 5.коло во ВЖФЛ.

Натпреварот кој се одигра на градскиот стадион во Кочани заврши со наш триумф, со конечен резултат од 1:3.

Сите голови на натпреварот беа постигнати во првото полувреме. Домашниот тим прв успеа да го отвори резултатот на овој натпревар и да поведе со 1:0, но во 18.минута преку Теодора Јанковска успеавме да го израмниме резултатот на 1:1. Јанковска со својот втор гол во 33.минута ни донесе предност од 1:2, додека конечните 1:3 на натпреварот ги постави Данче Карпузовска во 37.минута од натпреварот.

Вардар: Верица Колевска, Амире Азизи, Драгана Гегова, Сања Чубриновска, Данче Карпузовска (К), Сара Хот, Мила Наумовка, Миа Закев, Анастасија Влинтовска, Теодора Јанковска, Јована Максимовска.