Гоце Насковски: Секако дека ќе се бориме за двојната титула и имаме многу големи шанси

Седум победи, еден нерешен резултат и три порази е епилогот за кадетите на Фк Вардар во првиот дел од натпреварувачката сезона. Оваа екипа се наоѓа на четвртото место на табелата, со пет бода заостанување зад првопласираниот тим на Металург. Во националниот куп обезбедија полуфинале, откако во 1/4 во двата натпревари ја победија екипата на Младост Ц.Д.

-После завршувањето на есенскиот дел од сезоната резултатите се прилично добри, како и играта на екипата, поразите беа поради тоа што среќата повеќе ги сакаше противниците. Секако дека ќе се бориме за двојната круна и имаме многу големи шанси покрај најдобриот тренер Влатко Колев.

Црвено-црните ги одработуваат своите тренинзи на новиот спортски комплекс во населбата Хиподром. Покрај тоа одиграа неколку контролни натпревари со Вараровите екипи од другите генерации. Ова е прва сезона за Насковски во црвено-црниот дрес.

-Задоволен сум од својот придонес во екипата, но сепак можеше и уште подобро. Моменталните подготовки за пролетниот дел течат напорно, работиме со висок интензитет со цел да докажеме дека еден е Вардар, изјави Гоце Насковски за Вардар Фанс.

Звонко Ивановски