Vardar Fans
Денеска на терените на ФК Работнички се одигра ново коло во Детската фудбалска лига, по пауза од една недела поради големиот празник Велигден. По тој повод денеска Вардар (1) генерација ”2007” одигра два натпревари и тоа против Смилковци и против Куманово на двете средби победивме.
Најпрвин денеска настапивме против врсниците од Смилковци, овој натпревар нашите млади фудбалери го добија со убедливи 5-0. Уште на стартот од натпреварот во 2 минута постигнавме гол за водство од 1-0 стрелец беше Милош Спасовски, потоа за неколку минути постигнавме уште еден погодок дело на играчот со број 21. Стефан за 2-0 со овој резултат се замина на полувреме. Потоа Борјан Томовски погоди за високи 3-0, Милош Спасовски потоа се запиша во листата на стрелци повторно за убедливи веќе 4-0, но тука нашите момчиња не застанаа, петтиот гол за конечни 5-0 на овој меч беше дело на Петар Мицевски.
За успешен викенд нашите момчиња се погрижија против ФК Куманово, нашите фудбалери славеа на овој натпревар со 2-1. Вардар започна напаѓачки од самиот старт, но наиде на еден тврд противник кој се бранеше во текот на целиот меч. Отпорот на Куманово го скрши Борјан Томовски за големо водство од 1:0, со овој резултат се замина на полувреме. Во вториот дел Куманово започна да игра по офанзивен фудбал, створи неколку шанси но без поголема опасност по нашиот гол. При крајот на натпреварот Куманово имаше извонредна шанса за 1-1 но не ја искористи, потоа следуваше казна од нашите играчи за 2:0, се чинеше дека се е тука јасно кој ќе ги зеде трите бода од овој дуел. Пред самиот крај на натпреварот Куманово погоди за ублажување на водството на 2-1, одма потоа заврши и овој натпревар.
Честитки до нашиот тренер и играчите за овие две победи денеска.
