И денес фан зона на “Школка“, повторно може на истата покрај дружба со играчите да набавите карти од Комити

Повторно и денес како и во текот на вчерашниот ден активна ќе биде црвено-црната фан-зона во градскиот парк на “Школка“. Истата нуди можност повторно да се дружите со нашите фудбалери пред натпреварот во вторник со Динамо Загреб во рамките од Лигата на шампионите. Вчера беше прв ден и на истиот имаше голем интерес од фановите и навивачите на црвено-црните за средба со нивните херои и пренесување на позитивна енергија на истите со цел подобар настап на вторничкиот предизвик.

Покрај ова како и вчера така и денес во склоп на фан зоната ќе може да набавите билети за западната трибина , односно членовите и симпатизерите на Комити ќе може да додјат до билет за навивачката трибина. Другите карти се во продажба по 200 денари и не заборавајте дека со секоја влезница од натпреварот Вардар – Динамо добивате неверојатен попуст од фан шопот на Вардар – маица за 399 денари, дрес за 1.299 денари а во комбинација со шал, дресот е по цена од 1.499 денари.