Vardar Fans
Во сабота на 17-ти септември Мото клубот “Вардар“ -Скопје ќе ја одбележи 38-та година од своето постоење. MK „Вардар“ е формиран далечната 1978 година во Скопје. Брои околу 70 членови, има меѓудругото и членови од странство како што се членови од Косово и Ирска. Прв претседател на МК Вардар бил Вања Битуљану, а од септември 1979 година е Васил Николовски кој ќе биде на оваа позиција до 2010 година.
Пред две години на 12-ти јуни светот го напушти “таткото на македонскиот мотокрос“ и претседател на мото клубот Вардар – Васил Николовски. По тој повод членовите на клубот во сабота во 11 часот ќе го посетат Зајчев Рид и гробот на Васил Николовски каде ќе положат и свежо цвеќе, по што ќе се упатат кон мото домот Орман.Потоа одбележувањето на денот ќе продолжи на местото во кое МК Вардар ја организираше првата трка во 1994 година. Мото домот Орман е изграден во 2001 година, и од тогаш е втор дом за членовите на клубот.
Мото домот Орман ќе биде отворен од 12 часот, членовите и пријателите на клубот ќе прослават 38 години постоење на клубот, а вратите ќе бидат отворени за сите пријатели.
