Вардар го има најдобриот напад во ПМФЛ

Веќе зад нас се девет одиграни рунди во првата македонска фудбалска лига. Нашиот ”црвено – црн” тим по овие одиграни девет првенствени рунди се наоѓа на првата позиција на табелата со вкупно освоени 21 поен, со гол разлика од 19 постигнати, и само 4 примени погодоци. Според досегашната статистика, Вардарци го имаат најдобриот напад во првата лига, но и најдобрата одбрана заедно со Ренова, со само четири примени погодоци на девет натпревари.

Досега, Филип Гачевски, Бобан Грнчаров, Дамир Којашевиќ, Стефан Спировски, Хуан Фелипе и Боарето Балотели ги имаат одиграно сите девет натпревари за Вардар. Најдобри стрелци во нашиот тим по девет одиграни кола се: Боарето Балотели со шест постигнати голови на девет натпревари (најдобар стрелец во ПМФЛ), потоа Дамир Којашевиќ со пет постигнати погодоци, Глигоров и Николов постигнаа по два погодоци и тн.