Vardar Fans
Кугларскиот клуб Вардар пред помалку од недела дена реши да направи “ребренд“ на логото. Како што претходно ве известивме истата е направена со цел истиот да го модернизираат во чекор со новите трендови, сепак да се зачуваат боите на изворноста и да доминираат црвено-црната и се разбира неизбежната жолта боја на новиот амблем. Истиот се наоѓа на златно-жолт штит, тој има златна рамка, во внатрешноста се наоѓаат црвено-црни полиња во чија средина се наоѓа златната буква “В“ врз прекрстени два чуња. На врвот штитот е “крунисан“ со симболот на Скопје, мостот кој се наоѓа над реката Вардар, стилизирана верзија од историскиот споменик “Камени мост“.
Логички, веднаш потоа беше нарачана нова опрема за играчите станува збор за дрес и кратки панталони за натпреварување и тренерки. Новото лого “блесна“ на новата опрема која ја има традиционалната црвено-црна боја која е ударна, со мали примеси на жолта и бела како пропратни. Модел кој прв имаше прилика да го прикаже амблемот на јавноста е Младен Донковски играч кој е еден од најдобрите поединци на тимот и кој има прекрасно спортско тело.
