Vardar Fans
Треба да играат без притисок, тешко е да играат лига на шампиони на високо ниво. Но, јас сакам тие да играат, и треба да играат, ама без притисок. Постојано ќе тренираат со нас и ќе ја чекаат и добијат шансата за игра. Во Германија беше и Марко Кизиќ, и тој во текот на годината повремено ќе тренира со нас и ќе го следиме неговиот развој. Сигурно е дека на некои натпревари сите овие ќе добиваат поголема минутажа, но нивно е да тренираат.
Вардарци тестираа во Германија, следен предизвик не чека во Катар каде ќе настапува на Супер Глоуб турнирот, неофицијалното светско машко клупско ракометно првенство. Раул Гонзалес за ова вели:
Трениравме многу за физичка кондиција. Треба да играме и пријателски мечеви. Не знам колку сум задоволен, зашто не можеш да бидеш задоволен кога губиш. Но во Германија нашите ривали имаа повеќе контролни средби претходно и порано ги почнаа подготовките. Нам ни беше важно да воигруваме различна одбрана и да бидеме спремни за секое можно сценарио.
Не знаеме ништо за противникот од Иран. Некои тренери со кои контактирав ни кажуваат дека Гашаран имаат добри играчи, но не знаеме како ќе треба да играме против нив. Сега треба да се фокусираме на тој прв натпревар, па ќе видиме за понатаму- вели Гонзалез.
