Vardar Fans
Ракометната репрезентација на Србија изминативе денови одигра два контролни натпревари со репрезентацијата на Словачка, како последни подготовки, пред стартот на светското првенство кое стартува на 1-ви декември во Германија. Натпреварите беа одиграни во Панчево и Ковилово, со една победа за Србија (26:24) и нерешен резултат (30:30). Во составот на Србија, за овие два контролни мечеви беше и пикерот на Вардар, Драгана Цвијиќ, која постигна три голови. Андреа Лекиќ ги пропушти натпреварите поради повреда и е под знак прашалник нејзиниот настап на мундијалот во Германија. Цвијиќ истакна дека најважно е репрезентацијата да се воигрува и дена не треба да се гледаат резултатите на овие контролни дуели. Не заборави да истакне дека е среќна што после три години повторно го облекува националниот дрес.
-Не треба да го гледаме резултатот, селекторот им даде шанса на сите играчи. Важно е да се подготвиме за првиот натпревар со Кина и што подобро да се воиграме. Се вратив во националната селекција после три години, но чуството е како првиот ден кога заиграв за Србија. Не можам да ги искажам своите емоции, преубаво е. Повредите се санирани, имам своја програма на тренинзи. Засега се е супер, најважно е да бидеме здрави пред почетокот на СП, а потоа одиме од натпревар на натпревар, истакна Цвијиќ.
