Гонзалес: Во вториот дел бевме многу подобри – Ѓорѓески: За мене е голема чест да бидеш во тандем со најдобриот голман на сите времиња

РК Вардар го одигра последниот дуел на домашен терен во оваа 2017 година, во истиот во рамки на СЕХА Лигата се сретнавме  со тимот на РК Металург, во македонското дерби од регионалното натпреварување. Момците на Гонзалес дојдоа до победа со одлична игра во вториот дел, по првиот изненадувачки нашиот ривал имаше водствво. На прес конференцијата по дуелот нашиот тренер Раул Гонзалес и голманот, Даниел Ѓорѓески го изјавија следново:

Раул Гонзалес тренер: -Металург одигра добар натпревар пред се во првото полувреме. Ние бевме многу истрошени, подоцна заигравме како што знаеме и се вративме во мечот. Во вториот дел бевме многу подобри од Металург, кој е тим кој играше и во ЛШ, пред се поради кондициската подготвеност. Тие беа уморни во последниот дел, но мора да се признае дека одиграа добар натпревар со нас.

Ѓорѓески голман на Вардар: -Металург одигра одличен натпревар, ние одигравме две различни полувремиња. Како што истакна нашиот тренер во првиот дел нашата одбрана не одигра на ниво. За мене е големо искуство што сум во тандем со најдобриот голман на сите времиња Штербик, за мене тоа е голема чест.