Барсегјан водечки стрелец во тимот на Вардар

ФК Вардар во овој момент се наоѓа на втората позиција на првенствената табела со девет бодови заостанување зад Шкендија, но и два натпревари помалку. Вардарци поради настапот во Лигата на Европа, ги одложија дуелите со Работнички и Академија Пандев.

Досега, по седум одиграни натпревари, Вардар има постигнато вкупно 12 голови. Од овие 12 голови, седум се дело на двајца играчи кои и ја предводат листата на најуспешни стрелци. Во овој момент Барсегјан има постигнато четири погодоци, а Фелипе три.