Вардар ќе има денес два тренинзи на теренот каде ќе се одиграат следните три тест-дуела во Анталија

Избраниците на Гоце Седловски по краткиот одмор вчера беа поделени 3 групи и работеа вежби  во хотелската теретана, а  попладнето имаа  тактички тренинг со топка на кој  се увежбуваа конкретни елементи од фудбалската игра. Денес понеделички нема да има активности во теретана , но се закажани два тренинга на терен.

Според програмата на стручниот штаб предводен од Седловски Вардар ќе одработи денес два тренинзи на теренот каде ќе се одиграат следните три тест-дуела во Анталија. Истите ќе се одработат на еден од помошните терени во фудбалскиот центар „ИЦ Сенати“ место каде се закажани преостанатите три дуела колку што имаат закажано до крајот на подготовките црвено-црните во турскиот центар за зимски подготовки Анталија. Следниот дуел за ФК Вардар е закажан за во петок 5-ти февруари со чешкиот тим Слован Либерец, истиот е закажан со почеток во 14-00 часот по македонско време. Од овој дуел како од двата претходно ќе има директен пренос на видео стрим. Според планот по овој дуел докрај остануваат два дуела и тоа на 8 февруари со Металист Харкив и на 12 февруари со Черноморец Одеса , и двата противника доаѓаат од Украина