ФК Вардар својот прв собир денес ќе го има на градскиот стадион

Денес со почеток од 18:00 часот на националната арена „Тодор Проески“, екипата на ФК Вардар ќе го има својот прв собир во пресрет на новата натпреварувачка сезона во која се враќаме со настапи во ПМФЛ.

Тренингот ќе биде затворен за јавноста, поради технички причини, а североисточниот влез ќе биде отворен единствено за медиумите, на кои тренерот на екипата, Бобан Грнчаров, заедно со претставниците на Управата, ќе им се обрати.

Во наредниот период треба да биде познат планот за подготовките, а во очекување се и нови засилувања за најтрофејниот македонски клуб.