(Фотогалерија) Милан Илиевски ја стартуваше тренерската „авантура“ со младинците на ФК Вардар

Младинците на фудбалскиот клуб Вардар денес одржаа тренинг на спортскиот комплекс во населбата Хиподром. Познато е дека нивен нов тренер е Милан Илиевски-Мичка кој ќе го замени Бобан Бабунски, кој го предводеше младинскиот тим на Вардар во есенскиот дел од сезоната, во кој црвено-црните завршија на првото место на табелата.

Сепак младинскиот состав на Вардар нема да биде тој истиот од есенскиот дел, односно ќе претрпи играчи промени во продолжение од сезоната. Неколку играчи го напуштија Вардар, додека некои се прекомандувани во сениорскиот тим. Дел од младинците на Вардар не се веќе Лео Андрески, Филип Ѓоргоски, Абдулах Хасани, Дарио Јовановски, Грегори Дарков, додека неизвесно е што ќе се случи со најдобриот стрелец на оваа генерација, Антонио Мирков. Марио Ричков и Нијаз Јусуфи ќе бидат дел од подготовките на сениорскиот тим на Вардар во Анталија, па новиот стратег Илиевски ќе има проблеми околу составување на екипата во пролетниот дел. Има играчи кои од генерациите 2005 и 2004 ќе бидат прекомандувани во младинската екипа. Тешка ќе биде и мисијата за вардаровите младинци да го задржат првото место до крајот на сезоната.

Нашиот медиум беше присутен на денешниот тренинг од кој ви носи фотогалерија.