Vardar Fans
На завршениот младински фудбалски турнир во Охрид кој се одржуваше од 5-8 декември, екипата на Вардар генерација “2006“ го освоија првото место. Тие во финалето беа далеку подобри од екипата на Форца, со убедлив резултат од 8:1. Преходно во групата бевме подобри од екипите на Академија Пандев(11:0), Фер Плеј(4:2) и Караорман(11:3). Во 1/4 се сретнавме со Тотал Фудбал (6:0) , во полуфиналето по изведувањето на пенали повторно го добивме Караорман (3:2).
После одигрување на финалниот натпревар беа доделни поединечните награди. За најдобар стрелец беше прогласен “чудото“ од Вардарово дете, Давид Голубов кој постигна 11 голови. Да потсетиме дека истово момче ја доби истава награда и на претходните два турнири, на кои неговата генерација го освои првото место. Тоа се турнирите “Кул Куп 2015“ и турнирот по повод 13 ноември. Воедно е најдобар стрелец за Вардар и во натпреварите од детската фудбалска лига. Со своите мајстории и погодоци му донесе нов, вкупно трет трофеј за Фк Вардар генерација “2006“.
Голманското откритие Лука Јаневски кој го најавивме во еден наш текст за него, беше прогласен за најдобар голман на изминатиов турнир во Охрид. Инаку Лука на овој турнир беше позајмен да брани за екипата на Форца, против која црвено-црните играа во финалето. Лука е најзаслужен што тимот на Форца успеаа да се пласира во големото финале, каде сепак наиде на далеку подобриот тим на Вардар. Ова момче инаку ги брани боите на Вардар, настапувајќи за генерација “2007“ која ја предводи тренерот Томче Трајановски. Во некои мечеви од детската лига, имаше можност да го брани голот и на генерација “2006“. Неговиот талент е неспорен, а Слободан Мутибариќ е најзаслужен за неговото донесување во најдобриот клуб во Македонија.
