Едис Хамзиќ: Пресреќен сум што во првото коло и тоа на дерби натпревар против А. Пандев го постигнав победничкиот погодок

Победнички старт за младинците на ФК Вардар во новата натпреварувачка сезона. Во рамките на првото првенствено коло, нашите младинци на домашен терен беа подобри од екипата на Академија Пандев. Струмичани се наш должник од минатата сезона, кога успеа да не победат во финалето на купот и да го освојат трофејот во ова натпреварување. Црвено-црните вратија со иста мера и тоа со идентичен резултат од 1:0. Моментот на одлука се случи во 30 минута, кога при нафрлена топка од Беќири во противничкиот шеснаесетник најумешен беше Едис Хамзиќ кој со големо чуство со глава ја смести топката во противничката мрежа. На крајот се покажа дека овој гол вредеше три бода за Вардарци на почетокот на новата сезона.

-Пресреќен сум што во првото коло и тоа на дерби натпревар против Академија Пандев го постигнав победничкиот погодок. Покажавме голема борба и жар на теренот и сум презадоволен од мојата и играта на моите соиграчи. Повеќето натпревари од минатата сезона ги пропуштив поради повреда и сега сум максимално подготвен за новата сезона која ја започнавме со голема победа. Оваа сезона одиме да ја одбраниме титулата во првенството и секако да го освоиме купот, изјави Едис Хамзиќ за нашиот сајт.

Звонко Ивановски