Вардар генер. “2004“ спаринг партнер на Македонија Ѓ.П, како подготовка за настапот на турнирот на “пријателство“ во Бијелина

Утрово на академијата се одигра контролен натпревар помеѓу фудбалскиот клуб на Вардар генерација “2004“ и екипата на Македонија Ѓ.П, составена од играчи кои се родени 2003/04 година. Ова беше како подготовка за екипата на Ѓорче за настапот на турнирот на пријателство во Бијелина. Се играа две полувремиња по 25 минути, а мечот заврши со триумф на Вардарци. Конечниот резултат гласеше 3:4.

Македонија Ѓ.П на три пати имаше водство, но нашите млади надежи се враќаа на натпреварот со гол, за на крајот и да победат, против мешаната генерација на Ѓорче. На полувреме се замина со нерешен резултат 2:2. Стрелци на головите за Вардар беа Георг Стојановски (2), Матео Софијаноски и Марио Ричков. За противничката екипа погодија Христијан Рогов, Филип Наумовски и Кристијан Николовски.

Ова е еден од последните контролни мечеви за Вардаровата генерација, која на крајот од месецов оди на заслужен одмор.