Марко Ѓоргиевски: Бев сигурен дека ќе победиме

Помладите пионери на Фк Вардар направија голем чекор кон големото финале во националниот куп. Вчера на терените на ФФМ беа подобри од екипата на Македонија Ѓ.П. забележувајќи висока победа од 4:1. Стрелци на головите беа Марко Ѓоргиевски, Никола Џурџу, Јакуп Бериша и Стефан Миљковиќ. Во групата се наоѓа уште и екипата на Шкендија. Првите две најдобри екипи ќе играа во финалето на купот.

-Ја имавме контролата на играта против Македонија Ѓ.П. Имавме повеќе шанси, но некои не ги искористивме. Играме се подобро и подобро. Бев сигурен дека ќе победиме и дека ќе играме во финалето. Ни преостанува уште меч со Шкендија за да го потврдиме тоа, ни изјави најдобриот голгетер Марко Ѓоргиевски за нашиот сајт.

Звонко Ивановски