Македонија У17 ја победи Албанија и го освои 3.место на турнирот во Италија

Македонската фудбалска репрезентација го освои 3.место на меѓународниот турнир во Италија. Во малото финале нашите млади надежи беа подобри од репрезентацијата на Албанија. Конечниот резултат гласеше 1:0.

На целокупниот турнир одигравме три натпревари, на кои остваривме два порази и една победа. На сите три натпревари во стартниот состав се најде стоперот на Вардар, Марко Стојилевски, додека Никола Величковск влегуваше во игра во вториот дел од натпреварите.

Првото место и припадна на Русија која во финалниот дуел убедливо ја победи и надигра селекцијата на Словенија, со конечни 4:0.