И оваа година како и минатaта, главните зимски подготовки половина од македонските клубови ќе ги имаат во топлата Анталија – Турција.
Тимот на Вардар Анталија не ја менува за ништо, па така и оваа година како што најавивме, зимските подготовки ќе минат на познатата локација. Во Анталија сеуште не е познато од кога до кога ќе престојува нашиот шампион, според очекувањата тимот ќе замине некаде околу 17-18 јануари. Пред тоа, Вардар ќе има неколку тренинзи во Скопје за старт на новата година.
Во Анталија оваа година заминува половина прва лига, покрај тимот на Вардар, во овој град најaвија дека ќе заминат и тимовите на Работнички, Силекс, Академија Пандев и Шкендија.