Vardar Fans
Фудбалскиот клуб Вардар се наоѓа на мини подготовки во Охрид, каде вчера го одигра и првиот пријателски натпревар во новата година. Познато е дека црвено-црните последни стартуваа со тренинзи за пролетниот дел од сезоната во ПМФЛ.
Вчера после пристигнувањето во Охрид имавме можност да одиграме контролен натпревар со третолигашот Воска. Мечот заврши со нерешен резултат 1:1, со голови во второто полувреме.
Своето деби во сениорскиот тим на Вардар го имаа неколку играчи од Академијата на клубот. Се работи за Иван Мицевски (2002), Петар Давидовски, Абдулах Хасани, Антонио Мирков и Филип Ѓорѓиевски (2003). Сите влегоа во игра во текот на второто полувреме.
Сигурно дека има квалитет во овие млади момчиња, во есенскиот дел Вардар промовираше неколку млади талентирани играчи кои се наметнаа во првиот тим, се очекува трендот да продолжи и во продолжение од сезоната во која Вардар ќе има за цел да обезбеди опстанок во најсилната македонска лига.
Во недела на програмата е вечното дерби со екипата на Пелистер, дуел кој треба да се одигра на градскиот стадион.
