Вардар одново не победи, иако имаше два гола предност

Вардар одново не победи, иако имаше предност. Македонија ЃП презадоволна си заминува, бидејќи имаше загубен натпревар, но Вардарци повторно го враќаа во фудбалски живот противникот, за на крајот конечни 2:2,

По првиот дел Вардар водеше со 1:0 со голот на Мирчевски. Уште во првата минута од дуелот Вардарци имаа своја шанса преку Цветаноски, кој биеше одкосо само покрај голот на гостинот. Се играше 19.минута, а Вардар дојде до предност. Одлична акција на ,,црвено – црните”, Петровиќ го пронајде Цветаноски, кој со одлична асистенција до Мирчевски кој погоди од само неколку метри за 1:0. Вардар продолжи со добрата игра и во продолжението од дуелот. Попзлатанов имаше нова шанса за Вардар, но голманот на гостите одбрани. За одбележување беше и шанса на Цветаноски, кој биеше од 15-сетина метри само над голот на гостинот. До крајот на дуелот немаше промени на резултат па со 1:0 се замина на пауза.

Вториот дел започна одлично за Вардар. По само седум минути игра преку Цветаноски, Вардар поведе и со 2:0. Кога се чинеше дека Вардар ќе оствари победа, повторно се случи она спротивното. Најпрвин по огромна грешка на Илиќ, Калид намали на 2:1. А во 67. минута, Божиновски со нов гол го донесе својот тим до егал. До крајот на дуелот Вардар се обидуваше, имаше неколку шанси и за трет гол, но изостана реализацијата, па така со по еден бод за двете екипи заврши денешниот дуел.