Генерацијата “2001„ на ФК Вардар, под водство на новиот тренер, Сашо Тодоровски тргна со победа на “Скопје куп„

Пионерите на фудбалскиот клуб Вардар со победа стартуваа на турнирот “Скопје куп“, кој од денес започна да се игра на три терени низ Скопје. Оваа генерација “2001“ која во новата сезона ја предводи Сашо Тодоровски забележа победа во дуелот со Пелистер, минимално со 1:0. Стрелец на единствениот погодок беше  новото засилување, Џемаил Ибиши, кој летово пристигна од екипата на Металург.

Тренерот Сашо Тодоровски се одлучи за следниве 11-сетмина: Андов, Ѓурковски, Николов, Илиевски, Астарџиев, Манасиевски (c), Хасановиќ, Ристовски, Ибиши, Димоски, Игнатов, 

Се играа две полувремиња по 30 минути. Утре не очекува дуел со екипата на Сесвете од Хрватска, кој започнува од 18 часот на теренот во населбата Ѓорче. Да потсетиме дека, Тодоровски минатата сезона го освои истиов турнир, но тогаш со генерацијата родени “2000„ година.