Пионерските екипи на Фк Вардар ја победија Шкендија во Тетово

Помладите пионери и пионери со победи се враќаат од гостувањето во Тетово. Нашите фудбалски генерации на контролни натпревари ги победија своите врсници од екипата на Шкендија.

Помладите пионери забележаа победа со резултат 0:2, откако на полувреме резултатот беше оној почетниот 0:0. Во второто полувреме нашите млади надежи беа многу подобар противник, надигрувајќи ја целосна екипата на Шкендија. Стрелци на головите беа Аце Ѓурковски и Самир Хасиќ. Ова е веќе втора победа за Вардарци, над истиов противник на пријателски натпревари, откако на средината на месец декември минатата година со истиов резултат се вративме од гостувањето во Тетово.

Пионерите предводени од Сашо Тодоровски ја потврдија доминацијата на Вардар во Тетово. Црвено-црните уште по првото полувреме имаа предност од 0:2. Во вториот дел по еден гол за двете екипи, за конечен резултат од 1:3 на овој натпревар. Вардарци беа тие кои го диктираа темпото на игра во текот на целиот меч и кои постојано го напаѓаа противничкиот гол. Александар Георгиевски, Кренарт Дардлиша и Али Адем ги постигнаа головите за Вардар.

Ова беше последна подготовка за двете екипи, пред предизвиците кои следниот викенд започнуваат во домашното првенство. Противник во првото пролетно коло за нашите генерации е екипата на Работнички.