Vardar Fans
Падна и Пелистер, помладите пионери на ФК Вардар се нови лидери во лигата. Ова е седма последователна победа за генерацијата 2008.
Избраниците на Влатко Колев и после паузатата продолжуваат со победи во лигата. Денес тие гостуваа кај екипата на Пелистер, на натпревар од 9.коло во помладата пионерска супер лига. Нов одличен меч за вардаровите надежи, кои славеа со резултат 0:2 (0:1). Стрелци на головите беа Илија Митаноски и Дамјан Буцевски.
Се играше цврсто и тензично на двете страни во првото полувреме, со неколку шанси за двата тима. Имавме поголем посед на топка, после една одлична акција, Буцевски го пронајде Илија Митаноски кој погоди за предност од 0:1 во 38.минута од натпреварот, резултат кој беше актуелен на полувреме.
И во вториот дел гледавме борбен натпревар, сепак ние нашата шанса ја искористивме кога во 67.минута мрежата на противникот ја затресе Дамјан Буцевски за предност од 0:2. На голот претходеше акција која започна од нашиот голман Грбевски, кој додаде до Блажевски, овој до Бујароски, кој асистира до Буцевски за втор погодок во мрежата на домаќинот. Во последните минути беше и досуден пенал за противникот, но одбрани на нашиот гол, Павел Грбевски, кој ја сочува денес својата мрежа мирна.
Вардар: Павел Грбевски, Христијан Јевтоски, Филип Цветковски, Иван Ташовски (К), Илија Митаноски, Душан Бојовиќ Заев, Стефан Бујароски, Петар Блажевски, Дамјан Буцевски, Стефан Стаматоски, Данило Делов.
Играа уште и Марко Шотаровски, Михаил Симоновски, Матео Каранфилоски, Михаил Алексов, Матеј Георгиев и Кристијан Лазаревски.
