Победа и пораз за ФК Вардар генер. “2009“ во денешното коло од детската лига

Генерацијата на ФК Вардар родени “2009′ година, денес на терените на ФК Работнички го одиграа осмото коло во детската лига. Половичен успех за избраниците на Златко Таневски од една победа и пораз , во денешното коло.

Вардар (1) за противник го имаше тимот на Шкупи, кој успеа да го совлада со резултат од 6:4. На натпревар со многу голови, на крајот триумфот им припадна на црвено-црните. На овој дуел голгетерески расположен беше Јаков Стојковски, кој мечот го заврши со хет-трик. Два гола постигна Давид Колевски, додека во листата на стрелци со еден погодок се запиша и Вилијам Ангеловски. 

На вториот дуел се сретнаа екипите на Вардар (2) и Кул (2), подобар беше противникот кој славеше со резултат 1:3. Единствениот погодок за Вардар на овој меч беше дело на Димитар Ацевски.