Пом.пионери на ФК Вардар го совладаа Шкупи и стигнаа до својата 20 првенствена победа

Помладите пионери на ФК Вардар стигнаа до својата 20 победа во првенството, откако денес на теренот на Академијата ја совладаа екипата на Шкупи. Конечниот резултат на овој дуел гласеше 3:1.

Вардар: Величковски, Костовски, Ѓорѓиевски, Радуловиќ-Величковиќ, Фазлиу, Петејчук, Омерагиќ, Стојановски, Демири, Гугуљанов. 

На клупата за резерви беа: Станковски, Симев, Исени, Шабани.

По првото полувреме резултатот беше 1:0 во корист на црвено-црните, а Вардар го отвори резултатот со голот на Анатолиј Петејчук во 20 минута од дуелот. Игравме одлично на овој меч и бевме решени да стигнеме до нов триумф, во второто полувреме надмоќноста ја искористивме со уште два нови голови во противничката мрежа. Во 54 минута со голот на Мартин Радуловиќ-Величковиќ зголемивме на 2:0, додека само пет минути подоцна, или во 59 во листата на стрелци се запиша и Азер Омерагиќ, кој му донесе водство на Вардар од 3:0. До крајот на натпреварот почесен гол даде и тимот од Чаир и тоа во последната минута од дуелот, за конечен резултат од 3:1.

Во игра во второто полувреме влегоа сите играчи, кои мечот го стартуваа од клупата.