Пионерите на ФК Вардар денес се поразени од екипата на Победа. На теренот на Академијата својот натпревар од 11 коло го одиграа нашите пионери кои за противник го имаа тимот на Победа. На крајот гостите славеа со резултат 1:2.
Вардарци по првото полувреме имаа предност од 1:0 со погодокот на Сандро Каровски во 35 минута од натпреварот. Пред да го отвориме резултатот одлична шанса имаше гостинската екипа, но одбрани Наум Ангелов.
Победа во второто полувреме го сврте резултатот во своја корист. Најпрво во 62 минута го израмнија резултатот на 1:1, додека во 83 минута, Вардар си постигна несреќен авто гол во својата мрежа. Конечниот резултат гласеше 1:2.
Оваа генерација на Вардар е драстично ослабена со заминување на тројца стандардни играчи, па ова е петти пораз сезонава за пионерите, кои имаат и шест победи во лигата.
Вардар: Ангелов, Таневски, Ивановски, Каровски (К), Анчевски, Кузмановски, Ибраим, Стојановски, Ричков, Перковски и Хајдари.
Во игра влегоа уште и Јакимовски, Туша и Петровски.