Познати освојувачите на Купот во сите четири категории, Вардар со два трофеи

Во текот на вчерашниот ден се одиграа финалните натпревари во младинскиот фудбалски куп на Македонија.

Вардар успеа со две екипи на крајот да го подигне трофејот. Помладите пионери во финалето кое се одигра на градскиот стадион во Струга беа подобри од екипата на Победа со резултат 3:2. Алтин Алији беше стрелец на два гола, додека победничкиот гол во судиското надополнување беше дело на Матеј Гаштаров.

Во големото финале кај пионерите играа екипите на Работнички и Академија Пандев. Подобар се покажа тимот на Работнички кј славеше со резултат 2:1.

Екипата на Шкупи после изведување на удари од белата точка (5:3) славеше во големото финале кај кадетите. Тимот од Чаир се покажа како посреќен во пенал рулетот против екипата на Шкендија, откако натпреварот во регуларниот дел заврши со нерешени 1:1.

Младинското финале во Купот го доби нашиот Вардар. Иако игравме со шест играчи во стартните 11 кои се генерација 2005, сепак на крајот по голема борба успеавме да ја победиме Шкендија, минимално со резултат 1:0. Стрелец на единствениот гол беше Никола Величковски.

Што се однесува до шампионите во младинските лиги, Вардар освои кај помладите пионери, Работнички кај пионерите, Академија Пандев кај кадетите и Победа кај младинците.