Андрески, Давидовски и Ѓорѓоски со фудбалската селекција до 15 години ќе бидат дел од неофицијалното светско првенство во Италија

Тројца играчи на фудбалскиот клуб Вардар ќе бидат дел од неофицијалното светско првенство во Италија, на кој ќе настапат 16 репрезентации поделени во четири групи. Меѓу нив е и Македонската селекција до 15 години која веќе се наоѓа во Италија и се подготвува за првиот натпревар, кој на програмата е во среда.

Македонија се наоѓа во група со домаќинот Италија, минатогодишниот освојувач, репрезентацијата на Америка, како и селекцијата на Хрватска. Првиот меч избраниците на Златко Златановски го играат во среда против врсниците од Хрватска. Во составот на Македонија за овој силен меѓународен турнир се и троја играчи од Вардар, кои настапуваат за генерацијата родени “2003“ на ФК Вардар. Се работи за капитенот Петар Давидовски, потоа Филип Ѓорѓоски и Лео Андрески. Токму тие ќе го претставуваат Вардар на ова првенство во Италија, на кој учество ќе земат силни репрезентации.