Утре е денот “Д“ за ФК Вардар, во 12 часот ждрепката во Нион ќе го даде противникот во ЛШ, пренос на УЕФА.ком

Утре е денот “Д“ за нашиот нов Европски сон во фудбалска европа. Со почеток во 12-00 часот во Нион ќе се одржи ждребувањето за второто квалификациско коло во елитната лига на шампиони. Вардар сосема очекувано ќе се најде во групата на т.н неносители односно екипи кои може да добијат поквалитетни противници.

Големи имиња се во игра за наши противници како Динамо Загреб, Селтик, Црвена Звезда, Лудогорец и така натаму, сепак црвено-црните кои полека градат сериозен тим со сериозен сопственик ќе се обидат годинава да отидат чекор понапред во ова најквалитетно европско натпреварување. Спорет календарот првите мечеви се закажани за на 12/13 следниот месец , а реваншите за недела подоцна. Според праксата најпрвин ќе се одредат утрото група од пет-шест можни тима со кои би можеле да се паднат вардаровите играчи. Пренос од ова ждребување ќе може да се проследи на http://www.uefa.com/. Се надеваме дека ќе не следи среќа во ждрепката и конечно ќе имаме долго шампионско лето сезонава.