Во Вардар треба да пристигне уште една „кариока“

Вардар нема намера да застане со доведување на нови играчи. Покрај Николас Хосе Херанц, Коста Манев и Вилијан Лира, дознаваме дека “црвено – црните” договорилe уште еден играч од Бразил, кој е офанзивец и ако е се како што треба веќе утре се очекува да пристигне на прегледи во нашиот главен град.

Со него, Вардар останува да ја потполни уште левата бековска позиција. Инаку, кога сме кај стоперите Херанц и Манев, како што Ве информиравме, тие веќе пристигнаа во Скопје, а утре ќе ги имаат задолжителните медицински тестови.