Вардар во петок го дознава својот противник во Купот на Македонија

Попладнево со дуелот Големо Коњари – Шкендија ќе биде комплетирана 1/16 финалната рунда, односно ќе бидат познати сите патници во 1/8 финалето од Купот на Македонија. Нашиот ФК Вардар, во 1/16 финалето на лесен и убедлив начин го елиминираше тимот на Скендербеу од Порој со резултат 9-0.

Во петок нашите играчи ќе го добијат својот нов противник, овој пат од 1/8 финалето. Како што е добро познато, од 1/8 финалето ќе започнат и дуелите дома – гости. Вардарци во оваа рунда можат да добијат за противник второлигаш или тим од елитата.