Втора победа за помладите пионери на ФК Вардар, на силниот меѓународен турнир, “Пандев 2018„, Избраниците на Филип Деспотовски со нов убедлив триумф, овој пат против екипата на Национал од Бугарија. Конечниот резултат на овој дуел гласеше 3:0.
Со вториот гол на овој турнир, Георг Стојановски успеа да му донесе предност на Вардар од 1:0, овој резултат беше актуелен и на полувреме. Во вториот дел, тренерот Деспотовски направи неколку измени, а токму нововлезените играчи успеаа да постигнат уште два гола во мрежата на бугарите. Најпрво на 2:0 резултатот го зголеми Петре Тасески, за во листата на стрелци да се запише и Харун Алими, кој ги постави конечните 3:0 на натпреварот.
ФК Вардар: Стојковски (c), Марковски, Давков, Трпезановски, Ѓорѓоски, Стојчевски, В. Стојановски, Ќосески, Андрески, Прелоговски, Г. Стојановски.
Ова е втора победа на турнирот за генерацијата “2003„, откако вчера во првото коло ја победија и екипата на Беласица (1:3). Утре го играме последното коло во групната фаза, а противник е домаќинот на турнирот, тимот на Академија Пандев.