Заврши првиот дел од “Летниот камп“ во Дојран за генерациите 2000 и 2001, од 10ти почнува вториот дел за 2002 год

Заврши првата етапа од летниот камп организиран од ФК Вардар во спортскиот комплекс “Истатов’’ во Дојран .  Во првиот дел од летниот камп беа опфатени младите фудбалски надежи родени во 2000 и 2001 година . Вториот дел од кампот почнува на 10ти Август и ќе трае до 16ти на него ќе учествуваат генерацијата родени во 2002 година.

На завршениот дел учествуваа   95 млади црвено – црни фудбалери. Тренери на кампот беа Саше Јаневски, Саше Тодоровски, голманскиот тренер Љупчо Кметовски, како и тренерите од регионалните единици на Еуроспорт Куманово и Еурофудбал од Охрид. Сите тренери беа презадоволни од организацијата на кампот како и од сите учесници кои покажаа одлична дисциплина и огромна желба за тренирање.