Атлетика: По 7 месеци пауза Завировски се враќа, “воинот“ ги победи повредите

Овој викенд, поточно во cабота на 8.декември со почеток во 8-30 часот ќе се оддржи 16-тата воедно последна трка од “Најк Лигата“ во трчање за оваа 2018 година. По пауза од 7 месеци поради повреда на оваа трка враќање на патеката најави вардарецот, Петре Завировски.

Поради повредите долго вардаровиот атлетичар беше “надвор од стројот“, тој пред 1 месец започна со лесни тренинзи по кои сега се чустува подготвен за оваа делница. Трката е во должина од 5 километра и е идеална шанса за враќање на патеката на црвено-црниот воин како што го нарекуваат клубските колеги. Повредите за жал кои се повторуваа го оневозможија во поголем дел од оваа сезона да биде подготвен за настапи.