На сениорските тест-дуел момците го добија КК Пелистер, ЖКК Вардар со пораз од Бадел

Вчера во малата сала при Спортскиот центар “Кале“ се одигра пријателски тест-дуел помеѓу сениорските екипи на КК Вардар и битолскиот тим Пелистер.  На дуел помеѓу двата прволигаши победи црвено-црниот кошаркарски колeктив.

Нашите момци славеа на овој  пријателскиот натпревар  со резултат 78:76. Веќе е познат и распоредот за првата лига и нашите ривали во првите 11.кола. Ние отвараме на домашен терен против тимот на КК Куманово од истоимениот град, целиот распоред може да го најдете на нашиот сајт- Овде!

Претходно во истата сала и дамите од ЖКК Вардар одиграа тест-натпревар, тие беа домаќинки на  шампионот Бадел 1862. Во овој дуел  избраничките на Жаклина Стојановска беа поразени со резултат  40:60. Ова беше  меч на двата тима кои лани ги поделија трофеите во женската македонска кошарка, нашиот противник беше шампион во лигата, а црвено-црните дами го одбранија Куп пехарот.

За потсетување како што е најавено од куќата на кошарката, женската сениорска лига ќе стартува на 13. октомври, па затоа  вардарки со полна пареа  се подготвуваат  за почетокот на новата сезона.